Tökum Febrúar með Krafti!

Við höldum auðvitað áfram með átakið okkar og ætlum við að styrkja Kraft núna í febrúar!

Kraftur er stuðningsfélag fyrir ungt fólk sem greinst hefur með krabbamein og aðstanendur en á hverju ári greinast 70 ungir einstaklingar á aldrinum 18-40 ára með krabbamein.

Megin markmið Krafts eru að styðja við ungt fólk sem greinst hefur með krabbamein og aðstandendur með því að halda úti jafningjastuðningi, sálfræðiþjónustu, hagsmunagæslu, öflugri fræðslu, samveru á jafningjagrunni, veita hagnýtar upplýsingar og stuðla að samvinnu félagasamtaka, heilbrigðisstarfsmanna og annarra sem koma að málefnum þeirra sem tengjast sjúkdómnum.

Starfsemi Krafts felst í því:

• að veita andlegan og félagslegan stuðning við þá sem greinast og aðstandendur þess.
• að gæta hagsmuna félagsmanna og standa vörð um réttindi þeirra gagnvart opinberum aðilum.
• að halda úti öflugu stuðningsneti þar sem áhersla er lögð á jafningjastuðning byggðan á persónlegri reynslu.
• að veita félagsmönnum sálfræðiþjónustu.
• að halda úti stuðningshópum
• að halda úti endurhæfingarhópi og útivist fyrir  unga krabbameinsgreinda
• að reka Neyðarsjóð Krafts.
• að standa fyrir útgáfu á árlegu fréttabréfi og fræðsluefni í formi bæklinga og bóka.
• að halda reglulegar uppákomur í nafni félagsins t.a.m. kaffihúsakvöld, sumargrill, aðventukvöld og fleira

Starf Krafts er því einstaklega mikilvægt og finnst mér gott að geta lagt þeim lið að einhverju leyti sama hve mikið eða lítið það kann að vera. Ég vil ennfremur minna á að þið þurfið alls ekki að versla við TPG til þess að styrkja Kraft en þið vitið allavega að með því að versla við okkur þá eruð þið i leiðinni að styðja við virkilega gott málefni.

Upplýsingar um hvernig hægt er að styrkja Kraft má finna HÉR

Endilega skoðaðu úrvalið á síðunni okkar og ef þú hefur einhverjar spurningar ekki hika við að senda okkur skilaboð!